خريجون بدأوا من هنا، ويصنعون الفرق في عالم التصميم
قصص نجاح حقيقية من طلاب بدأوا من الصفر و -بفضل الله- أصبحوا محترفين في تصميم تجربة المستخدم. شهادات واقعية من خريجينا الذين بدأت مسيراتهم المهنية من هنا.
من اجمل التجارب التي مررت بها كل لقاء كنت اتعلم شيئ جديد ويزداد شغفي في تعلم والاستفادة بشكل مستمر. ووقعنا في بعض الافخاخ المعدة مسبقاً عند اداء المهام ولكن كل فخ كنا نتعلم منه ويزيد من ارادتنا تعلمنا انا من المحظوظين الذين انقبلوا بهذا الدورة وسعيد انني اشتركت بها
وش أقول عن كراديس؟
كراديس ما كان مجرد معسكر… كان رحلة غيّرتني بكل تفاصيلها. من أول يوم، دخلت وأنا مو عارفة إيش يستناني، بس كنت متحمسة أتعلم، أكتشف، وأتحدى نفسي.
كل يوم كان عبارة عن مغامرة جديدة، مليانة تحديات، ضغط، ساعات طويلة، ومهام ننجزها واحنا مو مصدقين إننا قدرنا!
تعرفت على ناس رهيبين، كل أحد فينا عنده شغفه، طموحه، وهدفه، وكنا دايم نرفع من معنويات بعض. صار الفريق كأنه عائلة، وكل إنجاز كنا نسويه نحس إنه انتصار جماعي.
تعلمت أشتغل تحت الضغط، أقدم أفكاري بثقة، أراجع كل تفصيلة بدقّة، وأحترم الوقت والفريق والعميل. عرفت قيمة التخطيط، وكيف إن التصميم مو بس ذوق… هو منطق، هدف، وتجربة لازم تلامس مشاعر الناس.
من FigJam إلى Figma، من أول سكتش إلى النموذج النهائي… حسّيت فعلاً إني صممت شي أفتخر فيه، واستوعبت إن كل خطوة أخذناها كانت تصنع الفرق، حتى لو صغيرة.
وما أنسى كيف المعسكر حفّزني أطلع أفضل نسخة من نفسي، حتى لما كنت تعبانة أو مضغوطة، كنت أكمّل لأنّي مؤمنة إن النتيجة تستاهل. والجميل؟ فعلًا النتيجة كانت أكبر من توقعي بكثير .. باختصار… كراديس مو نهاية، هو بداية جديدة لطريق أنا متحمسة أكمله بإصرار وشغف.
شكرًا لكل شخص شاركني هالرحلة، ولكل مشرف وموجه أعطانا من وقته وخبرته. وشكر خاص لفريقي، اللي كانت روحهم أجمل من الشغل نفسه
جميل جدا، مدري كيف اشرح بس حرفيا هوا ذا اللي انا كنت ادور عليه كنت اخش كورسات كثير في مجال ال ux وولا واحد منهم عطاني اجابه لتساؤلاتي، بس ذا المعسكر فعليا بدون مبالغة اغناني عن الكورسات جميعها اللي خشيتها مجهود جبار اشكركم حقيقي.
بصراحه استفدت كثير مع اني اخذت دورات كثيره واشتغلت في المجال من ٣ سنوات وكنت اقرأ مقالات وابحث واتعلم، لكن مثل تعليم كراديس ماحصلت، وبديت فعلياً انصح المبتدئين يسجلون في دورات كراديس لأنها راح تختصر عليهم كثير وندمت اني ماكنت اعرف المنصة من قبل، شكراً للأساتذة وشكراً للمشرفين والطلاب إلي استفدنا من شغلنا مع بعض ومن أسئلتهم ونقاشاتهم
تصنيف الدورة
تسجيل الدخول
أوافق على تخزين بياناتي ومعالجتها بواسطة هذا الموقع.
سياسة الخصوصية
