خريجون بدأوا من هنا، ويصنعون الفرق في عالم التصميم
قصص نجاح حقيقية من طلاب بدأوا من الصفر و -بفضل الله- أصبحوا محترفين في تصميم تجربة المستخدم. شهادات واقعية من خريجينا الذين بدأت مسيراتهم المهنية من هنا.
بصراحة المعسكر كان تجربة مميزة جدًا بالنسبة لي، وحبيت أحكي التجربة من أولها. الموضوع بدأ لما أخويا المهندس عبدالرحمن قال لي أتابع صفحة كراديس وكل الدورات والمعسكرات اللي بتنزل، واستفاد منها. ولما نزل إعلان البشمهندس محمد العارف عن المعسكر، أخويا بعته لي وقال لي أقدمي. الحمد لله اتقبلت، وكنت فرحانة جدًا بقبولي في المنحة.
بدأت رحلتي مع كراديس وكنت داخلة بهدف أساسي هو تحسين مهاراتي في الـ UI اللي عندي فيها خلفية بسيطة، لكن اكتشفت إن المعسكر بيشمل كمان الـ UX، اللي مكنتش أعرف عنه أي حاجة. البشمهندس محمد العارف كان بيشرح الـ UX بطريقة خرافية جدًا، وخلاني أفهم الموضوع بشكل عميق، وبدأت أطبق عمليًا في شغل أخويا. أخويا كان مبسوط جدًا بالمعلومات اللي اكتسبتها والنتائج اللي حققتها في الـ UX، ودخلت بعد كده على الـ UI اللي أنا مستمتعة جدًا بيه.
المعسكر بجد رائع، واللي بيخليه مختلف هو إن البشمهندس محمد العارف مش بس بيشرح، لكنه كمان هدفه إنه يطلع مصممين فاهمين الفكرة والقوانين، وموهوبين وحابين اللي بيعملوه. كمان بيراعي اختلاف مستوى الناس، سواء عندهم فكرة عن الموضوع أو لأ، وبيجاوب على كل أسئلتنا بكل رحابة صدر.
في الآخر، بشكر البشمهندس محمد العارف من كل قلبي على الفرصة العظيمة دي. وأتمنى أخرج من المعسكر وأنا محققة أحلامي وأهدافي، وأكون عند حسن ظنهم، وأكون واحدة من اللي هيتوظفوا عن طريق كراديس.
تجربة خرافية مش هتتكرر!
المعسكر جميل جدا جدا واتمني انه مكنش ينتهي خالص.
شرح باشمهندس محمد السلس البسيط كانه بيحكي قصة متحسش معه بالملل لا بيشد تركيزك وانك تبقي منتبه معاه وطريقة سرده للمعلومة بشكل يدخل الدماغ علي طول والأمثلة الممتعة المختلفة اللي بتبني تجربة تعليمية جميلة جدا،بجد التجربة مختلفة وممتعة.غير كدا اصراره انك مش هتطلع من هنا غير وانت عارف ومتقن للحاجة اللي انت بتتعلمها.
باشمهندس اسامة كمان وطريقته شرحه الممتعة وانه بيحمسني ودايما في انتظار اي اللي بعد كدا اي اللي في السيشن اللي بعد دي وانه بيحاول يظهر بدور الشرير وبيفشل فيه.بجد تجربتي كانت مختلفة جدا معاكم نفس اخوض التجربة معاكم تاني،بحيث ان الواحد يبقي مستمتع وبيتعلم حاجة بيحبها.
غير كدا طريقة الكوردنيتور معانا ناس جميل جدا متعاونين، أجواء عائلية حرفيا مش تعليمية.
ودي بالنسبة ليا افضل حاجة.
بجد شكرا ليكم كلكم.
رأيي بشكل عام أن المعسكر كان كثيف المعلومات مما يجعله معسكر حقيقي وليس مجرد ورشات عمل، وهذا هو السبب الذي يجعلني أرشّح كراديس كجهة ممتازة وفوق الممتازة في هذا المجال والتخصص. كل الشكر للقائمين على المعسكر ابتداء بالأستاذ محمد العارف، والأستاذ محمود فكري وطبعاً جميع المنظمين وقادة الفرق ..
من فترة بدأت رحلة كنت بحلم بيها…
أفهم الـ Design System والتوكنز بشكل فعلي، مش مجرد خطوات محفوظة.
ومع أول خطوة في كورس كراديس، حسيت إن في حاجة حقيقية بتتغيرفي تفكيري وترتيبي لكل حاجه.
طريقة الشرح، المصادر، التبسيط، وكل إجابة بتتقال من القلب قبل العقل.
كانوا بيدونا خلاصة سنين خبرة… بس بكل حب.
مش بس علموني أدوات، علموني أفكر كمصممة بشكل أعمق.
كل تفصيلة فتحتلي باب جديد في طريقتي للشغل والتفكير.
شكر خاص جدًا للمهندس أسامة الدريني، والمهندس محمد العارف،
وللمنتور الرائع عبد الرحمن، ولكل فريق كراديس على أمانتهم ودعمهم المستمر.
التجربة دي فرقت معايا جدًا والأجمل إن دي مش آخر محطة ليا مع كراديس، بالعكس…
أنا بجد بتمنى أكون من المحظوظين اللي يكملوا الرحلة معاهم دايمًا. ❤️
تصنيف الدورة
تسجيل الدخول
أوافق على تخزين بياناتي ومعالجتها بواسطة هذا الموقع.
سياسة الخصوصية
